عصبي فاتح منتدى

انا فتحت منتدى وبغى كل يسجل. 4100

.. مفهوم

اعرفوا الشروط زين....وافهموها.... 200

واللي ما يبي هالشروط جعل اصابعه اللي طقت على الكيبورد
الكسر...
ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.
بما ان هذا منتدى حقي بكيفي اسوي شروط الي بزاجي لابارك الله فيكم وفي الساعة اللي فتحت لكم هالمنتدى....
فاللي يبي يسجل معنا يوافق على الشروط من ورى خشمه ....

يالله نشرح لكم الشروط ....
1- اللي يسب اي واحد من الاعضاء بنجيبه وبنربط لسانه في صدامات الهايلكوس
وبنروح ونطعس فيه باقرب طعس...
قايلكم حنا ما نلعب

2- لما تكتب موضوع خل البقيه يجون ويتميلحون ويتهاوشون
بس بحدود وخلهم يذبون براحتهم.....
واللي بيقلبها سب...عز الله ان امه داعيه عليه...
لاني بخليه يضيع اسمه من كثر ما امحطه بالعجرء.....
قايلكم حنا ما نلعب

3-اللي بيخربط بالدين ولا بالسياسه....هذا عذابه عذاب. بخليه يشوف نجوم الليل في عز ظهر ....
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
ولكسر اسنانه ...علشان ما يعود لها....
قايلكم حنا ما نلعب

4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

5- الساحه الرياضيه لكم ثنتين ياتكون تحادي يا تكون تحادي
...واللي ماهو تحادي لايوطوط فيذاك ساحة وانا حر فيها ولا عندي ديمقراطيه....
ولا عمري سمعت فيها وهي وش...هي الديمقراطيه... ساحتنا وحنا حرين فيها

6- مسموح الذب...والذب هي كلمه اتيه من الذباب وهي فعل مضارع جمع تكسير مضارع
بسيط...فهمتوا...سح ولا ماهو سح...قولواسح لابارك الله بالساعه اللي جمعت هالخشش
فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها

7- اللي بيسجل باسماء قبايل وعوايل...والا مخله بالادب....هذا بنوديه لا اقرب شيخ وبنكويه
..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....
اشهد ان الددسن سياره... قايلكم ما نلعب...

8- وتمنا احد يجي ويقول نسيت رقم السرى ياويلك ياسود ليلك ....
اول شي لنغرمك 500 يورو عشان لا ينسا...
تاني شي لا نربط عقله ومسح به المنتدى وخليه عبرى الي بعده..
اقايلكم حنا ما نلعب

9- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي....

الان اسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا

* منتدى شاعر في المشمش......المنتدى الشعري سابقا

* منتدى مواضيع مهناش احد.....منتدى المواضيع الجاده سابقا

* منتدى معاهم معاهم عليهم عليهم....المنتدى الرياضي سابقا

* منتدى كن صديقي.....منتدى المواضيع المتميزه

بالنسبه للبريد ان شاء الله في السنه الجايه زي هالحزه ما حنا حاطينه ..ماعندنا

بالنسبه للمحادثات....تسان ودكم نسوي لنا طلعة بر على الطبيعه ازين...

ملاحظه......

اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها.....والله ما يضرب بعصا يا سرع طيحتهم

موافق.................
rendeer

غير موافق ............... scratch

واللي فيه خير يكتب غير موافق ... لدعس على بطنه مفهوم

>>> احمق منتدى<<< lol!

منقول ومعدل

غير موافق

اااااااااااا

اقصد موافق بس وين الرابط

يا دلخه

هذا عصبي فاتح مننتدى