عدد الرسائل : 110 العمر : 31 الاوسمه : mms : تاريخ التسجيل : 11/05/2008
موضوع: رواية "مهما حصل ما نفترق " الإثنين يونيو 09, 2008 4:05 pm
$@ *الاخوه رمز الحياة *@$
في البداية ... اتمنى للكل اللي يقرأ روايتة صديقتي للآخر وأتمنى منكم تنتقدوا من الناحية الايجابية والسلبية ...
مهما حصل مانفترق
بطلة القصة وعائلتها:: "شهرزاد عمرها:17 سنة بنت مدللة عائلتها:: امها:: نورة وابوها ::سلمان اخوها الكبير::سعود عمره 26 سنة واهو اللي حاط على امه كفوف الراحة خاطب وقريب عرسه خطيبته ::رانيا عمرها ::22 سنة الاخ الاوسط :: نوّار عمره 23سنة شايل يده من كل شي ..لأصحابه خدام لهم وأهله كاس ماي مايجيبه حتى ولو امه بتموت من العطش مايجيب اخو شهرزاد المقرب لها "عبد الله" عمره 22 سنة ::حنون وطيب اكبر منها بخمس سنوات الشئ المتفق في كل البيت هو حبهم لـ شهرزاد مع اختلاف شخصياتهم الا....اختها "دعاء عمرها 24 سنة تغار منها دائما طول عمرها تقرأ الروايات ومتأثرة بهم
الجــــــزء الاول....
في اليوم تخرج سعود واخذ الماجستير وابوهم عزمهم على عشاء في المطعم اللي تختاره رانيا ..قررت رانيا انهم يتعشو في فندق شهرزاد عجبتها الفكرة وقررت تكلم عبد الله وتقوله عن العشاء راحت عند باب غرفته وطقت الباب واهي تنادي:عبيد عندي لك خبر يلا افتح الباب محد رد عليها .... بس سمعته يتكلم شهرزاد::اكيد يكلم حد بالتلفون "ماحبت تزعجه بس حطت في خاطرها لا بالعادة يفتح لها الباب ويقول لها "شوي" وبعدين يكمل مكالمته راحت ودخلت غرفتها اللي قريبة من غرفة اختها دعاء مسكت كرسي المكتب واهي مقهورة من حركة اخوها لها جلست عليه بقهر واهي تفكر ليش سوى كذا .... رن جوالها ""نغمة رومانسية"" استغربت شهرزاد لان اللي داق عليها اخوها نوار
شهرزاد: الو نوار : الو وين ابوي شهرزاد : توك تسأل عنه ..نسينا نقول لك سعود اخذ الماجستير وابوي عازمنا على عشاء في فندق نوار : "معصب" ابي ابوي انتي ماتفهمين شهرزاد : "بخوف " طيب هالحين بروح له طلعت من الغرفة بسرعة عشان تروح لابوها واهي تركض تزحلقت ووقعت من السراميك ووقعت على يدها وانكسرت الكل طلع من غرفهم لما سمعو صوت شهرزاد واهي تصرخ وصوت الجوال اللي طاح من سور الدور الارضي ركبوا كلهم السيارة وودوها المستشفى واجلوا العشاء لين تتشافى يدها بس اهي رفضت وقالت لهم مارح اصبر اجلوه يومين بس
شهرزاد نست موضوع اخوها نوار واتصاله المفاجئ نوار حاول يتصل بشهرزاد بس كانت شريحتها مقفلة لان جهازها انكسر
بـالـيــوم الــثــاني..
ابو شهرزاد اشترى لها جوال وشريحة جديدة .. طلعت شهرزاد من المستشفى بعد يومين ""والليلة بروحون الفندق"" بعد صلاة المغرب تجهزت شهرزاد واستشورت شعرها فتحت دولاب ملابسها احتارت أي عباية تلبس ؟؟ اتصلت على رانيا.. شهرزاد : الو رانيا : الو هاي شوشو شهرزاد : هايات .. بغيتك بشي رانيا : تدللي شنهو بغيتي؟؟ شهرزاد : محتارة أي عباية البس؟؟؟ رانيا : شرايج نلبس العباية اللي فصلناها في البحرين عشان نطقم؟؟ شهرزاد : صحيح طيب مشكورة يلا باي رانيا : نسيت اقول لك قولي الى دعاء تلبس العباية اللي مثلنا شهرزاد : اوكي بقول الى عبد الله يقول لها اهي ماتتقبل مني يلا باي رانيا : باي
"بعد ماخلصت شهرزاد المكالمة انطق باب غرفتها " شهرزاد : عبد الله تفضل انفتح الباب شهرزاد تفاجأت ؟؟؟ دخلت عليها دعاء وكأنها مو عاجبها ديكور غرفة شهرزاد لانها اخذت غرفة ثانية واكبر دعاء: هذي غرفتك؟ شهرزاد : انتي شنو شايفة!!! دعاء : ماخذة اكبر غرفة بالبيت!! اكبر حتى من الغرفة الرئيسية شهرزاد : مو انا اللي اخترت الغرفة دعاء : تبيني اقتنع بكلامج ان بابا اللي اختارها لك اذا كان كلامج صحيح اجل ليش تقولي ان الغرفة تعادل نص غرفتج؟؟ شهرزاد : اسألك سؤال دعاء : لأني فاضية ايه شهرزاد : انتي تعتبريني اختك ولا مرت ابوك ؟ ليش تغارين مني بشنو آذيتك ؟ زعلتك بشي؟ حرمتك بشي؟ جاوبيني؟؟ دعاء : ايه حرمتيني من وجودي بالبيت كنت المدللة لاني كنت البنت الوحيدة بعدين جابو بعدي نوار وعبد الله بس ماتغير شي بس لما جابوك تغير كل شي ياسلام مسوية نفسك بريئة شهرزاد : فكري بعقل وعن حركات البزران راح تعرفين اني ماحركت حب الكل لك حتى مرت اخوك لا زالت تحبك حتى ان قبل لاتدخلين كنت متصله بها وقالت لي خلنا نطقم ونلبس العبايات اللي فصلناها في البحرين انا وانتي ورانيا
" طلعت دعاء من الغرفة واهي متفاجأة من كلام شهرزاد شافها عبد الله "
عبد الله : هلا والله وينك غريبة داخلة غرفة شهرزاد؟؟ دعاء : بسألك سؤال بس لاتضحك عليي عبد الله : قولي دعاء : انا غالية ؟؟ عبد الله : وش هالسؤال اكيد انتي غالية نسيتي كيف كنا نلعب مع بعض الكورة بحديقة بيتنا القديم دعاء : لا مانسيت بس فكرت ان اني ماعدت غالية عندكم بعد شهرزاد؟ عبد الله : ههههههههههه وش هالكلام
"دخلت دعاء غرفتها ولبست عبايتها اللي فصلوها في البحرين"
في المطعم "الفندق" الكل راح والبنات كلهم مطقمين وقاعدين بسوالف وضحك لكن دعاء كانت طول الوقت سرحانة تفكر باللي صار لها اليوم
بعد مارجعوا البيت اتصلت رانيا لبيتهم وقالت لاخوها انها بتنام مع حمواتها بالموت اخوها وافق
*****************************
صحت الوالدة الصبح على صوت التلفون ..ردت الام
الام : الو المتصل : الو السلام عليكم الام : وعليكم والسلام منو معاي ؟ المتصل : معاك الشرطة الام : خير انشاء الله عسى ماشر ؟ الشرطة : هذا بيت نوار سلمان ال............ الام : ايه شفيه نوار الشرطة : مافي شئ بس مسكناه واهو يغازل بنات الناس من 3 ايام الام : وليش ما قلتوا لنا ؟ الشرطة : حاولنا بس ماتردون عالعموم نبي الوالد يحضر القسم اللي بشارع الملك عبد الله الام : ان شاء الله خير
"ام سعود ماكانت متفاجأة لانها تدري عن سوالفه ولدها وياما دخلت اهي وابو سعود اقسام الشرطة مسكت تلفونها بكل برود واتصلت على بو سعود" سلمان (بو سعود): الو نورة ( ام سعود): الو هلا بو سعود سلمان : اهلين ها شتبين نورة : لامو شي بس ردتك من الدوام اليوم مر على قسم رئيس الشرطة اكيد وحشك ماشفته من سبوعين؟ سلمان : أي والله يبيلي امر اليوم واسأل عن الاحوال نورة : ولا تنسى تجيب ولدك سلمان : وشنهو مسوي هالمرة ؟ نورة : صادوه واهو يغازل بنات خلق الله سلمان : هذا ولدك مفشلنا سمعته زي وجهه موصلة للرياض ويمكن لين جدة سود وجهنا الله لا يبارك فيه والمشكلة يقول يبي يخطب مدري منهي اللي اهلها بيقطونها عليه نورة : المهم .. باي سلمان : فامان الله " بعد ما انتهى دوام بو سعود راح الشرطة وطلع ولده كالعادة بكفاله "
*************************************
شهرزاد كانت تسولف مع بنات عمها بالماسنجر عن فساتينهم لعرس سعود ورانيا
شهرزاد : رنو وش لون فستانك؟ رنا : ماعلم خليه مفاجأة كفاية علمتكم بالموديل ناهد : ما عليك فستانها لونه اسود وتركواز رنا : لكن انا اوريك شهرزاد : اني فستاني جاهز مالي خلق افصل.. اصلا الجاهز احلى جواهر : من وين شريتيه وبكم شهرزاد : من وين من المصمم اللبناني كالعادة بس مابقول لك بكم اذا شفتيه بتعرفين
وفجأة انفتح الباب بقوة ونمدت يد وشد شعر شهرزاد بقوه
منهو الشخص الي شد شعر شهرزاد ياترا نعرفه بالجزء الجاي
اتمنى توقعاتكم على الجزء
اشجـآن روحي
مديرهـ
عدد الرسائل : 110 العمر : 31 الاوسمه : mms : تاريخ التسجيل : 11/05/2008
موضوع: رد: رواية "مهما حصل ما نفترق " الإثنين يونيو 09, 2008 4:07 pm
سوري على التأخير وهذا ونزلته
شهرزاد كانت تسولف مع بنات عمها بالماسنجر عن فساتينهم لعرس سعود ورانيا شهرزاد : رنو وش لون فستانك؟ رنا : ماعلم خليه مفاجأة كفاية علمتكم بالموديل ناهد : ما عليك فستانها لونه اسود وتركواز رنا : لكن انا اوريك شهرزاد : اني فستاني جاهز مالي خلق افصل.. اصلا الجاهز احلى جواهر : من وين شريتيه وبكم شهرزاد : من وين من المصمم اللبناني كالعادة بس مابقول لك بكم اذا شفتيه بتعرفين
.°.¤.°. وفجأة انفتح الباب بقوة التفتت شهرزاد بشعرها الكستنائي الى نوار واهو داخل عليها والشر في عينه جا لها وشد شعرها وشهرزاد تصرخ من قوته اهو خاف ابوه يسمعها واهي تصرخ ترك شعرها وقال لها بعصبية .°.¤.°.
نوار : ليش قفلتي جوالك بعد ماكلمتك ؟ شهرزاد : اظن انك شايف منت عمي نوار : ايش شايف شهرزاد : شايف الجبيرة على يدي نوار : وش دخل الجبيرة في الجوال شهرزادو بلا لف ودوران شهرزاد : وانت ليش معصب ؟ نوار : بدل مااتوقف يومين صاروا اربعة بفضلك شهرزاد : بس عشان كذا ياليت يقدرون يردونك ثاني نوار : انا اسألك وش دخل الجبيرة ؟ شهرزاد : انا لما رحت بعطي ابوي الجوال كنت رايحة وانا اركض تعرقلت وطحت وانكسرت يدي وبالنسبة للجوال طاح مني وانكسر والحين عندي جهاز ورقم جديد والجهاز بألفين حررررررة نوار : طيب لاتعيدينها مرة ثانية شهرزاد : وشو اللي مااعيدها هههههههه شكله التوقيف خبلك
طرن طرن <<<<<< الماسنجر نوار : منهو ذا اللي فاضي اللي جالس يسولف مع الفاضية ؟ شهرزاد : تبي تعرف منهو الفاضي اللي يسولف معاي ؟؟ تعال رز وجهك وبتعرف نوار طلع في الشاشة وكانت اللي ترسل ناهد ..نوار من شاف اسمها استحى وقال لشهرزاد: انا مو فاضي بروح لاصحابي احسن لي باي
"نوار كان مرتبك لانه معجب بناهد بنت عمه ولما فتح مع امه موضوع الخطبة كان متفائل ان امه تخطبها له بس امه تجاهلت الموضوع وماكانت تعتقد انه جاد بالموضوع لما كلمها بس انه درى ان شهرزاد عندها ايميل ناهد "
.°.¤.°..°.¤.°..°.¤.°..°.¤.°..°.¤.°..°.¤.°..°.¤.°.
نوار كان في غرفته على الابتوب يشتغل عشان برجك تر عرس اخوه سعود حق الحريم اهو يسوي لعايلته و شهرزاد : لعائلة رانيا نوار جالس يدور احلى صورة له عشان يحطها وتعجب فيه ناهد
رن تلفونه وكان المتصل صديق عمره ورفيق حياته من يوم عمره سبع سنين "جواد"
نوار : هلا والله جيت والله جابك جواد : خير ان شاء الله !! لاتقول انك مضبط لك وحدة انت ماتجوز عن هالسوالف؟ نوار : لالالا لا يروح فكرك بعيد انا قررت ابطل هالحركات ابي اودع العزوبية واخطب جواد : يعني تبيني ادور لك على وحدة .. أي مو شايفني خطاب من عرس لين عرس !! نوار : اترك عنك هالهبال ابي اسألك واحذ رايك أي صورة من صوري طالع فيها وسيم ؟ جواد : انت الله ياخذك وسيم في كل صورك اجل شلون تضبط المهابيل؟ نوار : جاوبني مو فاضي لك جواد (بجدية ) : اقول نوار انــ..................ـا نوار : وش فيك ؟ جواد تنحنح وقال : انا بصراحة احب وحدة نوار : آآآخ يالخوان تقول لي جوز عن هالسوالف وانت طايح فيها جواد : وربي انا مدري .. لما شفتها حسيت ان قلبي ينبض بسرعة ومال لها نوار : يعني حلوة؟؟ جواد : الااا... تهبل... نوار : طيب وأيش تعرف عنها.. جواد : اسمها مروى..يتيمة الام والابو بس عايشة مع اخوها ومرته .. وعمرها 19 سنة نوار : اهاا يعني مافي فرق بينك وبينها غير 3 سنوات .. طيب اتركنا من مرووى ...اي صورة احلى ؟؟ جواد : اممممم الصورة اللي لابس فيها قميص الاسود.... طيب شرايك نروح بيت عمي ..يعني بيت نصر نتعشى هناك نوار : لا صج ..وانت من متى تروح بيت نصر؟؟ جواد : بيتها في قبال بيت نصر نوار : قبالهم بالضبط؟؟ جواد : أي ليش تسأل؟؟ نوار : ههههههههه ....هذي اخت مرت اخوي سعود .. أي والله واسمها مروى هههههههه جواد : قل قسم .... طيب بتروح هالحين ولا لأ ؟؟؟ نوار : أي أي بروح "انطق باب غرفة نوار" نوار : منو بالباب؟؟ شهرزاد: انا.... ادخل؟؟ نوار : دخلي الله ياخذج شهرزاد: ابيك تكمل شغلك بلابتوب حقي عشان تختار الصور مع بعض نوار : انا ماحب احد يرز وجههه في كل شئ شهرزاد: خلاص اجل اشتغل في غرفتك نوار: لالالا خلاص بشتغل في غرفتك بلابتوب شهرزاد: طيب " شهرزاد استغربت من موافقة نوار لكن نوار كان في باله شئ خبيث" "كان يبي ياخذ ايميل ناهد من كمبيوتر شهرزاد ... بعد نصف ساعة من تواجده في غرفة شهرزاد اخذ ايميل ناهد وضافها بإيميله لكن ناهد كانت أذكى منه وعطته بلوك لكن نوار سرق باسورد إيميل شهرزاد وقال لها ..نوار ..: ان البلوك الي حاطته في إيميل ….@hotmail.com شيليه هذا ايميل رفيجتي تعرفي عليها تراها خوش بنت " ناهد : انتي ايش اسمج؟ نوار : اسمي نور ناهد : ما شاء الله اسمي واسمج يبدأ بحرف النون نوار : صج ماخطر ببالي هالشي ناهد : كم عمرج؟ نوار : اني اكبر منج بسبع سنوات ناهد : انتي شدراج ان عمري 17 سنة.؟ نوار : لانك بعمر شهرزادو الملقوفة ناهد : ماأسمح لج تقولي عن بنت عمي كذا نوار: امزح معاج شفيج؟ ناهد : اييي فكرت.... نوار : اش فكرتي ؟؟؟ ناهد : انا استأذن هالحين شهرزاد تبيني تشرفت بمعرفتج باااااي نوار : طيب واني بعد بااااي "نوار فرح لانها تكلمت معاه ولا عرفتهه" وبعد ساعتين كان يفكر في ناهد ويتخيل نفسه واهو معاها في يوم الملكة.... فجأة دخلت عليه شهرزاد شهرزاد : وانا اقول ليش قال يبي يشتغل في غرفتي وفي الاخير تاخذ ايميل ناهد بنت عمي ... ياولد استح على وجههك "تفاجأ نوار لان شهرزاد عرفت بالخبر وسوى نفسه ولا كأنه مسوي شي.. نوار : ايش تقصدين ؟ انتي شنهو تقولين؟؟!ّ!! شهرزاد : سوي نفسك ما سويت شي يعني تبي تفهمني انك ماتدري انا ليه معصبة؟؟؟ انا اقولك ياحضرة البرئ ..انت اخذت ايميل ناهد وضفتها لين عطتك بلوك اخذت الباسورد حقي وقلت لها تشيل البلوك وهذي رفيجتي وأسمها نور صح؟؟ نوار : ايه انا سويت كل ذه عشان اكلمها لاني قررت اوقف حركات المغازلجي واخطب ..قلت لامي قدام رانيا وسعود لكن امي من اهي اللي بتوافق عليك وهذي سواليفك فكرت وقلت اني رح اترك كل شي كنت اسويه ومسحت ارقام البنات من جوالي وبدلت شريحتي شهرزاد : متأكد ان هذي نيتك لما كلمتها؟؟!! نوار : وربي هذي نيتي والله شاهد عليي وكلمت عبد الله بعد شهرزاد : طيب هالحين وقدامي اشبك واعتذر لها عشان تكبر في عيني نوار : عينك بس!؟؟ يعني اذا استسمحت منها راح اكبر في عينها ؟موحلوة في حقي؟ شهرزاد : الا حلوة ..حلوة في حقك .."وبهمس" عشان لاتحذفك يالغبي نوار : طيب طيب .°.¤.°.اعتذر نوار من ناهد وفعلا ماحذفته لكن اذا اهو شبك كانت تسجل خروج واستمر هالشي لمدة سبوعين.°.¤.°.
جت فكرة ببال شهرزاد انها ترجع علاقتها بدعاء ""شهرزاد في نفسها "" ليه مااعلمها باللي سواه نوار واهي بطريقتها الخااصه تقول لامي وتقول لها بأن نوار ماراح يغازل ولا يكلم بنات وتقول لأم سعود "الوالدة" ان نوار بدل شريحته ومسح ارقام البنات اللي عنده ورترك اصحابه الفاسدة وصار من اصحاب ولد ام ناصر .°.¤.°.جواد.°.¤.°. "راحت شهرزاد لدعاء وقالت لها بكل شي" شهرزاد : وهذا كل اللي صار دعاء : والمطلوب مني؟؟ شهرزاد: المطلوب منك تقولي لامي بطريقتك لان هالحين خطاب ناهد اكثرو واخوي اذا ماتزوج ناهد بينجن وحالف انه مايتزوج الا اهي الا اذا اهي رفضته دعاء استانست انهم اعتبرو مخها تفكيرها تفكير كبار و يدخلوها في مواضيع مثل هذي
دعاء:افا عليك انا بالشوفة ولا يهمك
"دعاء قالت لامها وامها قالت دام اهو يبغاها نخطبها له بالصراحة كنت افكر فيها لولد خالتك حميدة حسين بس يمكن تكون من نصيب نوار من يدري بس المهم يهون عن خرابيطه شهرزاد اخذت موعد من عمها لان الكل يعرف غلاة شهرزاد بالعائلة"
جاء يوم الموعد المقرر كان يوم الثلاثة وكان هذا اليوم هو اليوم الي متعودة شهرزاد مع صاحباتها يلتقون طبعا شهرزاد ما راحت بيت زينه (زينه وحدة معاها بالمدرسه ) راحو عشاء الرجال كانو بمجلس الرجال و الحريم بالصالة عمهم سالم على قده بيتهم عادي بس مرتب وحلو طبعا رنا و جواهر بنات عمهم سليمان كانو جايين من بيتهم لانهم جيران و بيتهم دبلوكس . واكيد راحو البنات و قعدو فوق في جناح ناهد و الحريم المتزوجين ومنهم سهى اخت ناهد وبنتها غرام الي عمرها 15سنه قاعدة مع البنات غرام هذي بنت اجمل من الجمال بصراحة احلى من ناهد و ناهد تعتبر من الجميلات المهم الحريم قاعدين تذكرت ام سعود الموضوع الى جايين عشانه وقالت خير البر عاجله خلتي ابدى بالموضوع و الله يقدم الي فيه الخير..
نورة:يام وليد حنا جايين وعندنا شي نبغى نطلب منك طلب نتمنى ما تردينا سارة:افا عليك يام سعود تفضلي نورة:بصراحة وبدون مقدمات حنا ناويين ناخذ بنتك ناهد الى ولدنا نوار سارة:بصراحة انتي فاجاتينا بالموضوع بس ولا يهمك بس ضروري ناخذ راي البنت نورة:خليها تفكر على راحتها و الله يسمعنا الاخبار الزينة و الله يتمم بخير
.°.¤.°..°.¤.°..°.¤.°..°.¤.°.
تتوقعون ناهد راح توافق على نوار ولا راح ترفضه ؟؟؟
وعلاقة شهرزاد راح تتحسن مع دعاء ولا راح تظل مثل مااهي؟؟
نعرف بالبآرت الجاي
اشجـآن روحي
مديرهـ
عدد الرسائل : 110 العمر : 31 الاوسمه : mms : تاريخ التسجيل : 11/05/2008
موضوع: رد: رواية "مهما حصل ما نفترق " الأربعاء يونيو 11, 2008 10:55 am
صراحه انا بنفسي تحمست ادور باقي القصه
اشجـآن روحي
مديرهـ
عدد الرسائل : 110 العمر : 31 الاوسمه : mms : تاريخ التسجيل : 11/05/2008
موضوع: رد: رواية "مهما حصل ما نفترق " الأربعاء يونيو 11, 2008 10:59 am
سوـريـ ـابنات على ـالتأـخير ـوـهذا ـابارت ـونزـناه
جاء يوم الموعد المقرر كان يوم الثلاثة وكان هذا اليوم هو اليوم الي متعودة شهرزاد مع صاحباتها يلتقون طبعا شهرزاد ما راحت بيت زينه (زينه وحدة معاها بالمدرسه ) راحو عشاء الرجال كانو بمجلس الرجال و الحريم بالصالة عمهم سالم على قده بيتهم عادي بس مرتب وحلو طبعا رنا و جواهر بنات عمهم سليمان كانو جايين من بيتهم لانهم جيران و بيتهم دبلوكس . واكيد راحو البنات و قعدو فوق في جناح ناهد و الحريم المتزوجين ومنهم سهى اخت ناهد وبنتها غرام الي عمرها 15قاعدة مع البنات غرام هذي بنت اجمل من الجمال بصراحة احلى من ناهد و ناهد تعتبر من الجميلات المهم الحريم قاعدين تذكرت ام سعود الموضوع الى جايين عشانه وقالت خير البر عاجله خلتي ابدى بالموضوع و الله يقدم الي فيه الخير..
نورة:يام وليد حنا جايين وعندنا شي نبغى نطلب منك طلب نتمنى ما تردينا سارة:افا عليك يام سعود تفضلي نورة:بصراحة وبدون مقدمات حنا ناويين ناخذ بنتك ناهد الى ولدنا نوار سارة:بصراحة انتي فاجاتينا بالموضوع بس ولا يهمك بس ضروري ناخذ راي البنت نورة:خليها تفكر على راحتها و الله يسمعنا الاخبار الزينة و الله يتمم بخير
لما رجعوا للبيت كان نوار شاري كولا لدعاء وسفن اب لشهرزاد وكان شاري علبة جواهر لما دخلوا البيت قال لهم "" نوار : يلا بسرعة اشلحوا عباياتكم وتعالو ابيكم بموضوع "شلحوا عبيهم وبدلوا ملابسهم وراحوا لنوار " نوار:هلا و والله هلا بخواتي الحلوين دعاء:الله وكبر منك كل هذا عشان ناهدو نوار:عن الحركات الزايدة اقول انا ماخذ فلم من ناصر اخو جواد تبون تشاهدووه شهرزاد : شنهو اسمه؟؟ نوار : جونو دعاء: ايه نبي نشاهده شهرزاد : انا مابي اشاهد الفلم شاهدة من قبل اني بروح انام نوار : اقول جلسي بلا هالحركات اقول دعاء قبل لاتشاهدين قولي لي وافقت ولا لا دعاء "باستهبال" منو ؟؟ نوار " نهود دعاء : اووه صارت نهود تعال على شنو وافقت ؟؟ نوار :: اوووووف عن الاستهبال الزايد على الخطبة شهرزاد : والله انك انت الفلم .....اني بحياتي ماشفت واحد خبل مثلك اليوم بس تكلمنا وقلنا لهم اصبر بعد سبوعين وبعدين يقولوا لنا متى الملكة فهمت ياشاطر؟؟ نوار:: اهاا وانا شصبرني دعاء:اقول شغل DVD و قول الى نوني تسوي فشار "شغل نوار DVD" ""طلع عبد الله من غرفته وقال لشهرزاد"" عبد الله:شهرزاد ابيك شوي شهرزاد:خليها لبكرة عبد الله:شهرزاد الله يخليك الموضوع ما يتحمل تاجيل شهرزاد:طيب تعال غرفتي عبد الله:انتي تعالي غرفتي شهرزاد : طيب راحت شهرزاد لغرفة نوار واهي متوترة شنهو الموضوع اللي كان يبيها شهرزاد : خير ان شاء الله شنهو الموضوع اللي مايتأجل؟؟ عبد الله:شهرزاد تذكرين يوم تخرج سعود يوم ما افتح لك الباب؟؟ شهرزاد:اي صح ليه ما فتحت لي الباب يومها تضايقت؟؟ عبد الله:كان هاليوم اسوء يوم بحياتي يومها دخل احمد"صاحبة بالغرفة" في غيبوبة شهرزاد : من شنو؟ عبد الله:: صار لهم حادث مع اخته وخطيبها بس ماصار لهم شئ لكن احمد اهو اللي دخل في غيبوبة وكان ضروري احد يتبرع له بدم ولحسن الحظ ان فصيلة دمي تطابق فصيله دمه بس......... شهرزاد:بس شنو ؟؟ عبد الله:بس الدم الي تبرعت به مو كفايه ومحد من اهله يطابق فصيلة دمه شهرزاد:اييه صج ... فصيلة دمي تطابق فصيلة دمك يعني اقدر اتبرع له عبد الله : لالا .. لاتفهميني غلط شهرزاد : انا مافهمتك غلط ..بكرى راح توديني المستشفى وراح اتبرع له لكن عبد الله ليش ماقلت لي بالبداية؟؟ عبد الله:: بالبداية كنت راح اقول لج لكن لما طلعت من غرفتي كانت دعاء في غرفتج ..بعدين لما رحت بقول لج طحتي ودخلتي الستشفى وبعدها ماصرت فرصة اقول لج.. شهرزاد : المهم ماراح اعاتبك .. بكرى ورانا جلسة من الصبح عشان نروح المستشفى بوقت لي الجوال وقول لسايق او اقول لك الاحسن نروح بسيارتك ... يلا تصبح على خير عبد الله : تلاقين الخير .. ومشكورة مقدما شهرزاد : حنا وش قلنا ؟؟؟ "طلعت شهرزاد من غرفة اخوها طول الليل ما نامت عينها كانت طول الوقت تفكر بـ أحمد صديق عبد الله
"جلست شهرزاد الساعة 8 وراحت تجلس اخوها دقت الباب عليه ماجلس دقت على جواله " شهرزاد:صباح الخير عبد الله:صباح النور ها شتبين ؟؟ شهرزاد:اقول افتح باب غرفتك و قوم غسل و بدّل ابي اروح المستشفى عبد الله:اوكي باي شهرزاد:باي "غسل عبد الله اسنانه وبدل ملابسه لما طلع شاف اخته على الكنب ونايمة بعبايتها راح لها وهمس في اذنها وقال لها : عبد الله:: شهرزاد مابروحين المستشفى؟؟؟ "لما فتحت عينها فتح فمه و ناظر اخوها في عينها اكتشف ان عينها حلوة " شهرزاد :: شفيك؟؟ عبد الله : الله ياخذك عواينك حلويين شهرزاد : هههههههه تضحك اقول خلنا نروح يلا كانت شهرزاد تعبانه كانت تمشي بثقل وصلت للمصعد سألها عبد الله:: عبد الله: ليش المصعد شهرزاد خجلت تقول لعبد الله انها تعبانة وملانة تتبرع ركبوا السيارة وراحوا للمستشفى ووصلوو للمستشفى عبد الله : شهرزاد انتي روحي لغرفة انتظار النساء وانا بروح للأستقبال وبعدين بنتظر بغرفة الانتظار للرجال شهرزاد : طيب بس لاتطول بعد 10 دقايق من الانتظار دق جوال شهرزاد شهرزاد : الو عبد الله : (بصوت مبحوح ) اطلعي من الغرفة ابيك شهرزاد : ليش عبد الله : انتي اطلعي وراح تعرفين " طلعت شهرزاد من الغرفة وشافت اخوها " شهرزاد : يلا خلنا نروح لصاحبك عبد الله ( واهو يبكي) : خلاص شهرزاد احمد راح عاف الدنيا وتركني فيها ياليته اخذني معاه ياليتني اقدر ارجعه شهرزاد : احمد مات !! متى؟؟ عبد الله : توفى الفجر الساعة 3 "شهرزاد لما شافت اخوها يبكي بكت معااه لانها ماتتحمل تشوف حد يبكي واهي ماتبكي ..ضمت اخوها ..
والله مايسوى أعيش الدنيا دونك لا ولا تسوى حياتي بهالوجود
دامك انت الي رحلت وكيف ابصبر عالبعاد وكيف بانثر هالورود
ماوعدت انك تقاسمني المحبة وتبقى لي حب ولجروحي طبيب
بس حسافة البعد كان اقرب وارحم حسبي الله وحده ونعم الوكيل
روح انا راضي غيابك ياحبيبي هذي قسمة لي وهذا لي نصيب
كنت شمعة تضوي وتشرق حياتي انطفيت ورحت في وقت المغيب
عبد الله: لو انا ماقلت الك اني تبرعت بدم اكثرماكان حصل اللي حصل شهرزاد: استغفر ربك انت هالحين صايم مصلي شلون تقول هالكلام هذا يومه اللي مكتوب له يموت فيه عبد الله: ماقدر اتخيل ياشهرزاد حياتي بدونه صدقيني!! شهرزاد : يلا روح غسل وجهك وروح المغسل احسن عشان تودعه يلا قوم
"عبد الله غسل وجهه وركب سيارته ووصل شهرزاد البيت واهو راح المغسل " بعد العزاء راح عبد الله لشهرزاد عشان يشييل همومه من صدره
بعد خمس ايام من العزاء "الشي اللي محد توقعهه اهو وقفة نوار مع عبد الله ماصدقت شهرزاد الخبر على طول راح لـ نهى اخت ناهد وناهد ماصدقت كلام اختها هالحين اكيد نوار كبر في عينها لابعد الحدود
وفي عصرة اخر يوم من العزاء راحت ناهد لامها ناهد : ماما بقول لك شي سارة : شنو ناهد ؟ لاتقولي لي ان موافقة على نوار ؟؟ ناهد : أيه يمه انا موافقه ليش انتي مب موافقة ؟؟ سارة : ايه انا مب موافقة ناهد : ليش يمه ؟ شفيه نوار ؟ سارة : نوار واحد صايع مافي بنت ماعندها رقمه ...ناهد بعد مااموت سوي اللي تبينه .. ولا تفتحين هالموضوع معاي مرة ثانية ... واذا ابوك سألك قولي ليه انك مب موافقة .... فهمتي ولا لاا ناهد : يمه هذي حياتي ونوار بطل هالحركات ويبي يفتح صفخة جديدة مع الكل سارة : انا اللي اقرر مو انتي اصلا الولد مو جاد والدليل انه ماسأل حتى عن موافقتك ناهد : ماما اسمحي لي .. بس انتي ماتدرين انا حنا نكلم من .... كل يوم دعاء ترسل لي رسالة وتقول لي متى حتصيري مرت اخونا ... ونوار نفذ صبره من الانتظار ... سارة : خلاص اني اخذت رايي وهذا اللي انتي بتمشين عليه ولا تفتحين هالموضوع مرة ثانية ... يلا روحي غرفتج "صعدت ناهد غرفتها وبكت .. جتها فكرة انها تكلم شهرزاد بس غيرت رايها بعدين اضطرت تكلمها لان محد يفهمها غيرها
اتصلت ناهد بشهرزاد ناهد : الو شهرزاد : الو هلا بمرت اخوي ناهد : مابصير مرت اخوكم شهرزاد : ليش ؟؟ عسى ماشر؟؟ ناهد : ولا شي سلامة قلبك .. بس.... شهرزاد : بس شنو تكلمي ناهد : بختصار امي مب موافقة شهرزاد : والسبب؟؟ ناهد : ماضي نوار ... سوري بس امي موب مسوعبة ان نوار فتح صفحة جديدة شهرزاد : ولا عليك انا بسوي الموضوع ولا يهمك باااي سكرت شهرزاد الجوال عشان ماتسمع أي اعتراض من ناهد والمفاجأة كان نوار جالس مع شهرزاد واصر عليها تسوي جوالها سبيكر ويسمع اللي تقوله.. لبس ثوبه وشماغه وراح بيت عمه سالم فتح له عمه جاب له شاي وقهوة وجلس معاه وقال له... سالم : تفضل انت موب غريب مد يدك نوار : بصراحة ياعمي انا مو جاي اتقهوى سالم : شتبي تبي فزعة تراني جاهز نوار : لالالا بس اكيد الحريم قالو لك عن موضوعي انا وناهد؟؟ سالم : ايه وعني خبر نوار : شصار على الموضوع طولتو وانا مافيني صبر نفذ صبري سالم : ماعليك انت روح هالحين وانا اقولك وان شاء الله خير نوار : لا يا عمي انت خذ رايهم وبكرة بنفس هالوقت اذا ماعندك مانع اجي لكم واخذ الموافقة ان شاء الله سالم : طيب انت تقهوة نوار : معليش نتقهوة في ليلة الملكة ان شاء الله ... فمان الله سالم : فمان الكريم " راح سالم لبنته ناهد ودخل غرفتها سالم : ناهد تدرين منو اللي كان في المجلس ؟ ناهد : لا يبه منو ؟ سالم : نوار ويسأل عن موافقتك "ناهد لما سمعت اسم نوار بكت" سالم : ناهد لبش تبكين ؟ في شي؟ ناهد : ولا شي بس اني موب موافقة؟ سالم عصب : يعني شنهو تبي تفشليني مع الجماعة ؟ بكرة اهم بيجون يتكلمون عن الملكة .. شي ثاني وشهو اللي موب عاجبك في ناهد ولاااا انتي في بالك واحد ثاني ..... والله لاذبحك ناهد بخوف : لالالا يبه لايروح فكرك بعيد انا مو شايفه فيه شي بالعكس اهو رجال مؤدب وخلوق ووعد الكل انه يترك ماضيه ويفتح فصفحة جديد بس.... سالم : بس ايش تكلمي لاتقطيعنين كلامج ناهد : الرجال يجي ويروح بس الام ماتجي وتروح سالم : وش جاب امج؟ ناهد : امي موب موافقة عليه سالم : صج... امك اهي اللي بتتزوجه ولا انتي فتح سالم الباب ونادى سالم : سارة سارة سارة سارة : نعم شنهو تبي سالم : هالحين نوار جاي يطلب يدك ولا يد بنتك؟ سارة : بنتي سالم : اجل ليش تجبرينها ترفض سارة: "واهي تناظر ناهد:": وانت منو اللي قالك لك ؟ سالم : ماعليك من اللي قال لي.. ماتقولي لي ليش تبين تفشلي جدام الجماعة ... المهم انا اتفقت معاهم وبكرة نتفق على الملكة ... وبعد بكرة الملكة غصبا عنك وعن بنتك انا الرجال في هالبيت وكلمتي الاولى والاخيرة ناهد بعد ماطلع ابوها وامها من غرفتها طارت من الفرحة وعلى طول اتصلت على شهرزاد ناهد : الو هلا شهرزاد ابشرك ابوي قال بعد بكرة الملكة قولي لـ نوار الشي اللي ماكانت ناهد حاسه فيه ان اللي رد نوار عن طريق الصدفة كان نوار ينقل ملاحظات من جوال شهرزاد ولما شاف اسم ناهد رد بدون أي تردد نوار : الله يبشرك بالخير ياحلى ناهد بالدنيا ناهد : منو انت هذا جوال شهرزاد صح ولا انا غلطانة نوار : ايه جوال شهرزاد بس اللي رد عليج خطيبج نوار ..مشكورة على الرقم باااي ناهد : سكرت التلفون بوجهه لانها اول مرة تسمع صوته بالجوال دايما كانت تشوفه بس
اتفقوا على المهر وناهد خذت لها فستان وحجزت لها صالون واستيديو تصوير وباليوم الثاني تغذت وراحت للصالون بعد ماخلصت راحت للاستيديو عشان تصور ورجعت بيتهم الساعة 9 بالليل استقبلوها دعاء وشهرزاد ورنا وجواهر وسهى اختها طبعا جلسوها على الكرسي والكل يصفق ويرقص وكانت غرام كاشخة وجالسة قريب من خالتها .. طلع نوار من عند الرجال وراح لخواته عشان يشوفون ناهد لاول مرة وخواته حطو موسيقى رومانسية عشان دخلتها كان فستانها على الرقبة لونه تركواز و لتحت الركبه منتشر وله ذيل و فستان خصر واطي يعني طالعة نعومه وكان الكل فرحان ودخلو نوار للحريم ودخلوهم غرفة بحالهم وكل واحد عرف بنفسه للثاني
كان بهد هالليلة بيومين عرس اخوهم سعود اليوم الي قبل عرس سعود كانت شهرزاد جالسة تفكر كيف بتصور لعرس اخوها عاد تعرفون البنات
دقت على رفيجتها جمانة اللي بمثابة اختها .. شهرزاد : الو جمانة : الو هلا والله شهرزاد : اهلين شخبارج؟ جمانة : مب زينة شهرزاد : ليش ؟ عسى ماشر جمانة : محمد بيروح ماليزيا شهرزاد : بروحه؟ جمانة : ايه قلتله بروح معاك قالي لي لا ياشيخة ؟ تبين تروحين ماليزيا اكيد بتشليحين الحجاب ؟ خلك هنا لا رجعتك بين هلك شهرزاد : مو انتي تقولين يحبك ؟ جمانة : لاااا .. واذا كان يقص عليي شهرزاد : اهو ليش راح ماليزيا؟ جمانة : عشان علاج خالتي شهرزاد بس!! قولي لخالتج واكيد راح تقنعه جمانة : صج كيف راحت على بالي مثل هالفكرة ؟؟ شهرزاد : الغيرة جمانة : مشكورة باااي شهرزاد : بااياات
نامت شهرزاد والساعة 10 الصباح جلسها اخوها عبد الله عبد الله: شهرزاد قومي اليوم عرس اخوج قامت شهرزاد بسرعة : الحمد لله واخيرا رجعت احلى عبادي بهالدنيا عبد الله : مدري جلست اليوم الصبح فرحان يمكن لاني حلمت ليلة البارح بأحمد الله يرحمه وقالي لي انا معاك حتى لو الله اخذ امانتي روحي معاك شهرزاد: يلا دام حلمت بأحمد الله يرحمه اليوم مشاويري كلها بسيارتك و انت الي تسوق.. عبد الله:واخيرا احد من البيت وثق فيني اني اوديه مكان ! يالله يا شوشو اليوم عندك سايق اسمه عبد الله شهرزاد : انت اغلى اخو وصديق وسواق بالعالم ههههههههههه عبد الله : طيب خلصي بسرعة حجزك بالصالون الساعة 12 ولازم تفطرين قبل شهرزاد : وانت منو قال لك؟ عبد الله: اليوم اتصلت بنت صوتها حلو سألتني (يقلد صوتها ) الآنسه شهرزاد صحت من النوم ؟ طيب لو سمحت صحيها عشان حجزها الساعة 12 واذا ما جت بالوقت المحدد يروح عليها الحجز شهرزاد:شنو؟يروح علي و العربون الي دفعته؟ جهزت شهرزاد اغراضها وملابسها وعبايتها ونزلت تفطر ركبوا السيارة ووصلت للصالون بعد ماخلصت دقت على اخوها يجي لها عشان يوصلها للأستيديو لكن لما وصلها كان معاه واحد ركبت ورى والاخ عامل نفسها لطيف عبد الله: شهرزاد شكلك خلصتي بسرعة؟ شهرزاد:لا عادي متعودة دائما اقعد ورى مع نوار لانه لازم يركب واحد من اصحابة على بو محرم اللي مع عبد الله مات من الضحك وكان يشرب سفن اب والمسكينة شهرزاد تفشلت بس الحمد لله مابكت من الفشلة وقفت عند الاستوديو ونزلت اتصور في السيارة ماهر:عبد الله عندك فاين عبد الله:تفضل ...........انت من صجك ضحكت و كركرت ضحك على الاهل؟ ماهر:الصراحة الاهل حقاتك يونسون مافي منهم بالسوق ؟هههههههه عبد الله:الاهل حقاتك ؟ شنو اخت لو قفازات .......... ماهر:اذا زعلت سوري عبد الله:مو انا الي زعلت اهي زعلت موب متعودة احد يفشلها ماهر:لا و الله ......انا الاهل الي عندي لو اضحك عليهم من اليوم لبكرى ما زعلو عبد الله:اختي غير ماهر:اقول عندك اخو اسمه شهريار عبد الله:لا ليش؟ ماهر:عشان تصير عندكم قصص الف ليلف و ليلة (وكمل ماهر مسخرته عليها ) عبد الله : اقول شهرزاد جت .. اعقل وعن خالحركات اللي صار لها يومين وين ماهر الرجال السنع ماهر:اش قصدق يعني انا الحين موب سنع ولا اعجب ! عبد الله:بصراحة .........اي
دخلت شهرزاد السيارة عبد الله:شنو خلصتي ......نمشي شهرزاد:توكل ماهر:اٌقول عبد الله صاله الحريم وين ؟ عبد الله : هالحين راح نروح لها وراح تدلها ....ليش بتجيب الاهل العرس؟؟ ماهر : ماهر:انا سيارتي ما تحمل اهلي عبد الله:الله و اكبر.. سيارتك ما تكفي ثلاث خوات و امك اقصد الوالدة جدام؟؟ ماهر:ليش انا لما اجيب خواتي و امي لازم تجي معاهم مرت عمي و خواتها ومرت جارنا و بناتها وكم حرمه من حريم الفريج عبد الله:طيب منو يجيبهم ؟ ماهر:ميكرو مهند ..........مهند ما غيره.........عرفته؟ عبد الله : ايه غرفته شهرزاد : عبد الله اذا ماعليك امر .. مر على بيت عمي سالم مرت اخوك ماعندها حد يوصلها الصالة عبد الله:ونوار وينه؟ شهرزاد:نوار مع سعود بالعرس عبد الله:طيب اذا وصلنا بيتهم دقي عليها شهرزاد : طيب راحو بيت عمهم ودقت شهرزاد على نااهد شهرزاد:الو .......يلا حنا بره ركبت ناهد السيارة ناهد:السلام عليكم شهرزاد:وعليكم السلام وصلو لصالة وبعد ربع ساعة وصلو رفيجات شهرزاد جمانة وزينة وحياة وسكينه استقبلتهم من باب الصالة شهرزاد:عاش من شافكم هلا و الله سكينة : انا جيت مع اني زعلانة شهرزاد:من شنو زعلانة؟ سكينة:زعلانة لانك في عرس اختي ما جيتي شهرزاد:متى كان عرس اختك ؟؟ سكينة:عرس اختي كان قبل يومين زينه:حرام عليك قبل يومين ملكة اخوها جمانة:اي صح ملكة اخوك قبل يومين مبروك حياة:الا وين العروس ؟ شهرزاد:جواا سكينة:وش لون فستانها عشان نعرفها شهرزاد:والله مدري دخلت بتشلح عباتها ولا شفت فستانها اذا شفتها بجيبها تسلم عليكم حياة:الا شسمها؟ شهرزاد:اسمها ناهد جمانة:بنضل واقفين عال باب شهرزاد:سوري ....تفضلو جلو رفيجات شهرزاد على طاولة من الطاولات الي عند الكوشة بالضبط شهرزاد كانت منشغلة مع دعاء و غرام ومروى و بالعرضات و اللوحات الي بيقدموهم بعد اول لوحة قدموها عشان دخلة رانيا عرضو البروجكتر الي صمموه شهرزاد و نوار فجاة جو ناس وسلمو على كل البنات الي قاعدين على طاولة شهرزاد (رفيجاتها و بنات عمها) آخر وحدة سلمو عليها شهرزاد ........::: انتي شهرزاد شهرزاد تفاجأت منو هالدول ياترى راح تعرفونهم بالجزي الجاي
جو رفيجات شهرزاد على طاولة من الطاولات الي عند الكوشة بالضبط شهرزاد كانت منشغلة مع دعاء و غرام ومروى و بالعرضات و اللوحات الي بيقدموهم بعد اول لوحة قدموها عشان دخلة رانيا عرضو البروجكتر الي صمموه شهرزاد و نوار فجاة جو ناس وسلمو على كل البنات الي قاعدين على طاولة شهرزاد (رفيجاتها و بنات عمها) آخر وحدة سلمو عليها شهرزاد ........::: انتي شهرزاد صح شهرزاد : ايوه بس من معاي ماعرفتك؟؟ ...........:: اكيد ماعرفتيني لانك اول مرة بتشوفيني ..... انا ام ماهر و هذول بناتي ........انا ام صاحب اخوك عبد الله دعاء:ايوه هذي ام ماهر الي كل يوم يروح عبد الله معاه الجامعة شهرزاد:اهاااااا ....اسفه ما عرفتكم ......تفضلو بنت ام ماهر : لا حنا بنجلس في ثالث طولة عن اذنكم ..... الاا انتي منو ؟؟"تقصد دعاء " دعاء : انا اخت عبد الله الكبيرة البنت :: اهااا تشرفنا
"بعد البروجكتر وبعد دخلة العروس راحت دعاء و ام سعود و شهرزاد لام ماهر و سلمو عليهم طبعا ام سعود انسحبت وقعدو بناتها مع الناس شوي" شهرزاد : انتم تعرفونا بس حنا مانعرفكم !! حورية : انا حورية اخته الكبيرة متزوجة وعندي ولدين وبنت وخويتك سكينة اصير لها مرت اخوهاا عبير : اني اخته الوسط "عبير " متزوجة بس بدري ماجبت عيال شهرزاد : الله يرزقك بالذرية الصالحة عبير : وهذي الصغيرة اختنا حصة عمرها 10 سنوات دعاء: يعني كبر وليدو ولد عمي سالم
شهرزاد ما غابت عنها صورة ماهر لانها ما صار من شافته فترة كلها ساعتين الشي اللي استغربت منه ان الناس بناتهم احلى من اولادهم هذول العكس ماهر احلى من خواته كلهم...!!!
قضت ليلة العرس على خير ومروى وخوات سعود وصلونهم لين شقتهم ووصلو وناموا الااا شهرزاد ماقدرت تنام من هدرة اخوها عبد الله......
عبد الله : شهرزادو قومي معاي نبي نشاهد تصوير عرس اخوج؟؟؟ شهرزاد : ياعبد الله ياحياتي خليني انام وبكرة يصير خير عبد الله : بس عندي لك خبر يسوى مليوون ريال ..مابقول الك زين.. شهرزاد : شنهو الخبر اللي عندك بسرعة اخلص قول اللي عندك واطلع برة عبد الله : طيب قومي بالاول شوفي معاي الفيديو شهرزاد : يعني انت تبي تستفزني ..؟ طيب ..... بشوفه وامري لله عبد الله : بوريك بس الشي المفيد بسس ... شهرزاد: بس شنهو قول تراني ماني فاضية تقطيع كلام....... عبد الله : بس الي بقول لك سوي روحك ما تدرين عنه لاني ما اقدر اخبي عنك شي اوكي؟ شهرزاد : افااا عليك تقولي انا هالكلام ! سرك في بير عبد الله : هذا العشم فيك يلا قومي "راحت شهرزاد لــ غرفة اخوها عبد الله عشان تشاهد الفيديو ووصل لــ المقطع اللي يبيه .. طالع فيها نصر وماهر وواحد اول مرة شهرزاد تشوفه ووقف على الكاميرا عبد الله : هاا شنو تشوفين؟؟؟ شهرزاد : ماهرو ونصرو واصحابك والثالث اول مرة اشوفهه عبد الله : واحد منهم طالب يد اختي .. شهرزاد منو فيهم اللي متقدم لدعاء ؟ عبد الله : انتي تستعبطي ولا شنو ؟ عامله روحك مو عارفة اللي متقدم لدعاء؟ يعني بدمتك بيخطبونها اصحابي واهم اصغر منا تقدم لها اللي ماتعرفينه.. شهرزاد "بلقافة " : منو هذا ؟؟ عبد الله : هذا واحد اسمه منير تاجر بأختصار ومتدين وولد عز ماخد الماجستير من ايطاليا ويتكلم خمس لغات شهرزاد : هههههههه ... خمس لغات مرة وحدة هذا مثل البغبغاء اللي شراها عمي الي وليدو ومات هههههههههههه...... عبد الله : تسخرين انتي لانك مو لاقيه لك واحد يتقدم مثله.. ولا في احلامك شهرزاد : بيجيني اللي احسن منه ان شاء الله .............اقول شنو اللغات الى يتكلمهم عبد الله:انجليزي و فرنسي و ايطالي و ياباني و روسي شهرزاد:الله يقدم الي فيه الخير عبد الله : شرايج فيه شهرزاد : المهم راي دعاء بشكل عام عبد الله: منو الاحلى انا ولا اهو؟؟ شهرزاد: انت هالحين تقارن نفسك بهالجيكر؟؟ عبد الله: انتو ياهالبنات مايهمكم الا الحلا والشكل شهرزاد : اقول مالت عليك ........ اروح انام احسن لي عبد الله : تصبحين على الزفت شهرزاد : فال الله ولا فالك راحت شهرزاد ونامت بشوي اجت اختها دعاء واهي تقول :: دعاء: شهرزادو قومي بقول لك خبر يسواك وبملابسج كلهم شهرزاد (وصوتها مليان نوم): وانتو كل مرة تجوني عندي لك خبر ....... ماعندكم الا شهرزاد الله ياخذها ان شاء الله انا مابموت الا على يدكم ...ها شعندج؟ دعاء : جاي لي خطاب واحد كشخة دارس بأيطاليا شهرزاد : اخبارك قديمة دعاء : وانتي شدراج ؟ شهرزاد: واسمه منير بعد ويتكلم خمس لغات؟ دعاء: اني لحد هالحيم ماعرفت اسمه وانتي تدري ؟ منو قال لج؟؟ شهرزاد : العصفورة قالت لي وغطت وجهها اللحاف وكملت نومها دعاء : طيب بتأكد بنفسي راحت دعاء لنوار دعاء : احم احم احم نوار : هلا شتبين اشوفج تتنحنين دعاء: الا شسمه؟ نوار : منو دعاء : اللي من دحين تتكلم عنه؟ نوار : ههههههههه اللي متقدم لك..... اسمه منير دعاء : كيف عرفت شهرزاد (بصوت واطي) طيب صحيح انه دارس بإيطاليا ويتكلم خمس لغات؟ نوار : منو اللي قال لك؟ دعاء : يعني صج؟ نوار: من وين لك هالمعلومات؟ دعاء:ما ادري نوار:ماتدرين منواللي قال لك؟؟ دعاء:هاااا شتقصد نوار:يمكن الخبر خبلك او انت مو نايمه كويس طلعت دعاء من غرفة اخوها واهي تفكر من وين لشهرزاد كل هالمعلومات
طبعا بو سعود خبر سعود و عمامها عشان يسالو عن الولد و بعد اسبوع ما طلع على الولد اي شي و الكل يمدح فيه و في ابوه و خواله
سلمان:نوره طلع الولد الي متقدم الى بنتك دعاء ما فيه شي و خوش ولد نورة:يعني اتصل في الناس اقول لهم يتفضلو الليلة سلمان:مو الليلة بكرة زين..... الليلة بروح ملكه واحد من اصحاب ولدك عبد الله نورة:حشى عيال هاليومين يخطبون وعمرهم عشرين منو اي صاحب سلمان:نصر.. والله مو بعيده عبد الله يجي ويقول لك روحي خطبي لي خلال هاليومين نورة: ليش وادي صغير وبيني وبينك انا خطبت لنوار وعمره 23 لاني كنت متأكدة من رفضهم له 29% بس تفاجأت كثير لما سارة وافقت تاخذ ولدنا لبنتها بس الله يساعد نوار على طلباتها كأن مافي الا اهي بادنيا ، اكو اخته شهرزاد تقدموا لها كثير بس انا مابي اكسر قلب اختها دعاء وازوج اختها اللي اصغر منها قبلها وانت تدري سلمان : انتي غلطانه نورة: ماسويت هالشي الا بعد ماقالت ليش شهرزاد انها ما تفكر في الزواج الا بعد الثانوية وكاهي باقي لها سنه وتخلص الثانوية سلمان:الله يقدم الي فيه الخير يلا يام سعود روحي اتصلي في الجماعة نورة:بالاول بسال دعاء راحت ام سعود لدعاء وكانت شهرزاد قاعدة في غرفة دعاء لان جهازها خربان وهي ما تستغني عنه ورة:دعاء ها شقلتي على الي متقدم لك شهرزاد : يعني شنو تبيها تقول ،ابوي قال ان الولد تمام واهي ماعندها أي مانع بس انها تبي تسوي حفلة دعاء: شهرزادو عن اللقافة امي سألتني انا مو انتي اقول خلك بالكمبيوتر وعن اللقافى الزايدة يلا برة شهرزاد: الشرها عليي انا اللي مابي اتعب لسانك ادري انك ماصدقتي يتقدم لك اقول اطلع بكرامتي احسن لي ...بروح استأجر لابتوب نوار ابرك لي باي مع وجهج نورة: ها شقلتي؟ دعاء: اللي تشوفونه دام الولد تمام خلاص دقي عليهم نورة : اجل مبروك مقدما طلعت من غرفة دعاء ودخل نوار وبأيده ظرف نوار : هاي دعاء: هايات نوار: مبرووك دعاء: الله يبارك فيك عقبالك نوار : شنو عقبالي الله يهديك انا خاطب دعاء : اووه سوري نسيت نوار : ايي بدينا من الحين تنسينا شلون بكون حالك لما تشوفين صورته دعاء: حرام عليك نوار : خذي هذي صورته "نوار عطاها الضرف بس مافتحته" دعاء: شكراا : نوار:شنو شكرا شوفي حلو ولا لا ....... بصراحة ترا اهو عادي مو وسيم كثير دعاء: عادي المهم اهو تمام ومو مهم الشكل نوار : طيب فتحيه "فتحت الظرف وشافته عادي اسمر شعره حرير وعينه ضيقة خشمه طويل وشفايف كبار وضعيف " نادت على شهرزاد: شهرزادو تعالي لحقي شهرزاد : اش تبي دعاء: عالي شوفي الخطيب شهرزاد : اول مرة تشوفيه؟ دعاء : طبعا ايه شهرزاد:انا شفت له فيديو واهو جالس مع عبد الله و اصحابه دعاء:متى ؟ شهرزاد:في يوم عرس سعود لما رجعنا خلاني اشوف الفيديو حق العرس دعاء:طيب اشرايج فيه حلو شهرزاد:بصراحه ؟ دعاء:طبعا بصراحه شهرزاد:لا دعاء:احسن شهرزاد:طيب ليش؟ دعاء :لان الحلو ماتعجبه واحدة يبي به اربع ولو على كيفه الخامسة بس اللي مو حلو تجي له وحدة يحبها ويموت عليها لانها وين قبلت فيه شهرزاد:الحلو ولا المو حلو اذا حب زوجته يخلص لها دعاء:اي صح قالت الدكتورة فوزية الدريع كذا شهرزاد:اقول عن الفلسفة الزايدة و قومي لفي معاي سمبوسة عبد الله يبي سمبوسة حشوة بيتزا دعاء:سويله بروحك ولا اقولك قولي الى الخدامة تسوي له شهرزاد:تدرين ان عبد الله مايحب اكل الخدامات دعاء:واهو شنو يدريه ان الخدامة اللي سوته شهرزاد : تبيني اغش اخوي لا والله ... اقول قومي معاي المطبخ صيري حرمة زينه قبل لا يجيج ولد بصيرين كل يون تاخذين خدامتنا ببيتك ..يلا قومي لا يطلقج من الشهر الاول دعاء: فالج ماقبلناه .. هالحين اني بنام يلا قلبي وجهج يلا مو ناقصنا الا انتي وغرامو يعلمونا شغلنا شهرزاد : شنهو دخل غرام بالسالفة؟؟ دعاء: ليش ماقالت لج ناهد؟؟ شهرزاد: لا ماقالت لي دعاء: غرام راحت لناهد واهي تطبخ كيكية الفواكه اللي يحبها نوار ، سألتها لمنو الكيكة قالت لنوار مشتهي كيكة فواكه ردت عليها لا والله ليش ماعنده ام تطبخ له اذا تزوجتو بعدين يشتهي اللي يبيه من يدك خذيها نصيحة بعدين تصيرين طباخة له ولاهله ماشفتي هالة اللي بمسلسل "يوم اخر" بعدين المسكينة تطلقت شهرزاد : هالحين غرامو تسوي حالها تنصح وانا كل يوم اسولف معاها بالمسنجر ولا قالت لي هالسالفة؟؟ دعاء : شلون تقول لج وحنا بنسويها طباخة لنا ولنوار؟ شهرزاد : صح ماقلت لج من فترة تقدم لها واحد وامها ماتبيه واهي مصرة تبيه ليش ؟ لانه يشبه احمد حسين دعاء: اللي خطبها نعرفه ولا لا شهرزاد: سامر ولد فاطمة بنت جيراننا الي بنفس عمري اللي كان دايما يصب بوجهج الرمل يوم كننا ببيتنا القديم دعاء: اهاا سامر أي عرفته انا لحن هالحين اذا شفته ماتغطى منه شهرزاد: الحمد لله انا مستحيل اتغطى منه لان اخواني حريمهم مايتغطون انا ماراح اتغطى دعاء: رانيا تتنقب مو؟ شهرزاد: ايه بس ناهد ماتتغطى لان رانيا اكبر مني بكثير بس ناهد بنفس عمري دعاء : بكيفج انا مالي دخل فيج يلا برااااا شهرزاد : الشرهى علي انا : قلت ماني بداخلة غرفتج بس انتي اللي ناديتيني لما طلعت من غرفة دعاء شافت امها وابوها وسعود ورانيا وعبد الله ونوار قاعدين بالصالة اللي بالدور الثاني ولما شافوها سكتو راحت شهرزاد سلمت على مرت اخوها رانيا شهرزاد : هلا والله بعروستنا شلونج شخبارج تمام؟ رانيا : بخير عساج بخير تعالي معاي نلف السمبوسة لعبد الله حست شهرزاد انهم يبون يصرفونها شهرزاد : طيب انا بروح الف السمبوسة بالمطبخ رانيا : طيب بروح معاج شهرزاد : لالالا انتي عروس المفروض انك ماتسوين شي رانيا : لا عادي شهرزاد: لالا انتي جلسي مع ابوي وامي اكيد وحشتكم صح نزلت شهرزاد المطبخ ولفت السمبوسة وهي تقليه جا لها اخوها اسعود وخرعها وصرخ بوجهاا سعود: شتسوين؟ فرت شهرزاد وجهها وهي تقول: اعوذ بالله من الشيطان الرجيم لما ناظرها سعود واهي معصبة استغرب منها سعود : زعلتي ماخبري فيك تزعلين من المزح شهرزاد : واني ماخبري فيك تسوي حركاات بزران سعود:الله يسامحك انا اسوي حركات بزران انا ما رح ازعل منك لانك غالية شهرزاد:سعود لا تتضايق مني بس انا شوي متوترة بليز لا تاخذ بخاطرك على انا شهرزاد سعود:لانك شهرزاد ما زعلت منك بس شفيك متضايقة لا يكون عشان لما جيتي تبين تجلسين معانا و قلت لك روحي سوي السمبوسة لعبد الله ؟ شهرزاد:شقالو لك انا بيبي ازعل منكم ادري ان سالفة مو ضروري اعرفها او ما تهمني سعود:لا الموضوع يهمك و لا زم تعرفين عنه وانا جيت اقول لك شهرزاد:شفي طلعت نتايج الثانوية بالانترنت ؟ سعود: انتي الي المفروض تدرين بما انك اربعه و عشرين ساعة شابكه شهرزاد:اجل ايش فيه؟
نزلت شهرزاد المطبخ ولفت السمبوسة وهي تقليه جا لها اخوها اسعود وخرعها وصرخ بوجهاا سعود: شتسوين؟ فرت شهرزاد وجهها وهي تقول: اعوذ بالله من الشيطان الرجيم لما ناظرها سعود واهي معصبة استغرب منها سعود : زعلتي ماخبري فيك تزعلين من المزح شهرزاد : واني ماخبري فيك تسوي حركاات بزران سعود:الله يسامحك انا اسوي حركات بزران انا ما رح ازعل منك لانك غالية شهرزاد:سعود لا تتضايق مني بس انا شوي متوترة بليز لا تاخذ بخاطرك على انا شهرزاد سعود:لانك شهرزاد ما زعلت منك بس شفيك متضايقة لا يكون عشان لما جيتي تبين تجلسين معانا و قلت لك روحي سوي السمبوسة لعبد الله ؟ شهرزاد:شقالو لك انا بيبي ازعل منكم ادري ان سالفة مو ضروري اعرفها او ما تهمني سعود:لا الموضوع يهمك و لا زم تعرفين عنه وانا جيت اقول لك شهرزاد:شفي طلعت نتايج الثانوية بالانترنت ؟ سعود: انتي الي المفروض تدرين بما انك اربعه و عشرين ساعة شابكه شهرزاد:اجل ايش فيه؟ سعود:صاحب عبد الله ماهر تقدم لك شهرزاد:سعود انا مو فاضيه هالحين اذا ملكت دعاء افتحو هالموضوع او غيرة سعود:امي تقول ليه ما تصير ملكتكم في نفس اليوم شهرزاد:الي لازم تعرفونه ام ماهر و نصر و احمد الله يرحمه مثل خواني و مستحيل افكر في واحد منهم كزوج لي سعود:يعني رافضه الموضوع نهائيا شهرزاد:أي سعود:لازم تفكرين زين لانك ما رفضتي واحد ولا ثنين رافضه اكثر من سبعه على عذر بالبداية تنخطب دعاء و دعاء الله سهل عليها و انخطبت و كلها كم يوم و تملك .........فكري زين شهرزاد:احاول سعود:مو تحاولين توعديني يبه ارد على الرجال في اقرب وقت شهرزاد:..............مدري طيب بفكر بس ما اوعدك اوافق سعود:الله يقدم الي فيه الخير
طلعت شهرزاد و لا كان في شي لان الموضوع مسكر بالنسبه لها طلعت غرفتها و كلمت سكينه الي تصير بنت خال ماهر سكينه:الو شهرزاد:الو هلا سكينه شخبارج سكينه:الحمد لله انت كيفج شهرزاد:ملانة و زعلانه سكينه:بما اني ادرس طب فهذي اعراض مرض العطله و العلاج اتروحي لامك و تطلبي منها فلوس و تروحي مع سكونه السوق شهرزاد:طيب اروح اقول لامي سكينه:انتظر جوابك باي شهرزاد:باي
راحت شهرزاد لامها و كان سعود توه قايل لامه ان شهرزاد رافضه مقدما
شهرزاد:ماما لو سمحتي ممكن اروح مع سكينه صاحبتي السوق ؟ نورة:منهي سكينه ؟ شهرزاد:سكينه الي كان عرس اختها يوم ملكت نوار سعود:طيب روحي معاها كم تبين شهرزاد:الي يطلع من امي زين
طلع سعود من محفظته الف وميتين و عطاهم شهرزاد كانت خجلانه تاخذ من عنده بس قال لها سعود:افا انا اخوك يلا لا تستحي واذا تحبيني خذيهم خذتهم وهي خجلانة و طلعت من غرفه امها و راحت غرفتها بس امها عصبت
نوره:سعود انت ليش عطيتها فلوس و وافقت نيابه عني سعود:يمه قالت ان الي يوم ملكت نوار كان عرسها هذي بنت خال ماهر يعني ماهر ولد عمته و اخوها ماخذ اخت ماهر نوره:ويعني سعود:بعدين اقول لك سعود يدري ان الي بيوصل شهرزاد و سكينه و اخت ماهر حوريه اهو ماهر لان عبد الله اتصل في ماهر وقال له روح معانا الشاليه قال له انا بوصل اختي و بنت عمتي السوق وهو ما عنده عم غير ابو سكينه وهذي بنته الوحيده
المهم راحت شهرزاد وتصلت على سكينه
سكينه:هلا شهرزاد:هلا فيك امي وافقت و عطوني فلوس سكينه:اوكي احنا بنروح الساعه ثمان ونص بعد اذان العشاء شهرزاد:انتو انت و من؟ سكينه:انا ومرت اخوي حوريه شهرزاد:اوكي انتظركم سكينه:ماشي باي بعد ما سكرت شهرزاد دقت عليها رانيا الباب
شهرزاد:تفضل رانيا:تسلم يدك على السمبوسه الي سويتيها شهرزاد:صحه وهنا ان شاء الله رانيا:تسلمي اقول بتروحي السوق شهرزاد:اي بروح السوق مع سكينه و مرت اخوها حوريه رانيا:متى بتروحون؟ شهرزاد:بعد اذان العشاء رانيا:يعني بتتعشي معانا شهرزاد:اي طبعا العشاء ماكرونة بابشميل مسويتها دعاء عاد دعاء الماكرونة بالبشميل الي تسويها بالدجاج محد يسويها مثلها رانيا:و السمبوسه الي تسويها محد يسويها مثلك شهرزاد:و انت و مروى اختك محد يسوي ورق عنب مثلكم يطلع من تحت يدك حامض و لفتكم مرتبه و تشهي رانيا:الي يحب شي يضبطه شهرزاد:انا ما احب السمبوسه بس الكل يمدح في السمبوسه الي اسويها وانا اذا سويت آكل قرص عن الحلال و الحرام و انا اموت في ورق العنب و جتني مرت اخو تسويه عدل انا دايما يطلع عندي يا صغار او كبار اذا سويته يقول عبد الله انه كنه اوصال كبير و طويل وحدة تشبع رانيا :طيب خلنا نروح نساعد دعاء بالعشاء لا نصير قليلين ذوق شهرزاد:يلا راحو يسوون العشاء مع دعاء رانيا:دعاء متى بيجون الي متقدمين لك يتفاهمون عالمهر و الشبكه دعاء:والله مدري امي دقت عليهم لو لا شهرزاد:اكيد خلال هالاسبوع صح دعاء شتبين اجيب لك من السوق دعاء:آه يال الخوانه بتروحين السوق و ما تبيني اروح معاك شهرزاد:انا بروح مع سكينه و حوريه دعاء:حوريه الي درست معاي بالجامعة شهرزاد:وانا شيدريني دعاء:مرت اخوها صح شهرزاد:ايه رانيا :اذا مرت اخوهم اجل هي الي درست معاك كملو عشاهم و هم يحطو السفرة دق جوال شهرزاد كانت المتصله سكينه
شهرزاد:هلا سكينه سكينه:شهرزاد بعد نص ساعه بمر عليك اوكي شهرزاد:يعني اقدر اتعشى عالسريع سكينه:عالسريع الي بس خلصي تراى اخو حوريه مستعجل شهرزاد ما فكرت منهو اخو حوريه شهرزاد:اوكي اوكي يلا باي راحت شهرزاد و قعدت على الطاوله دعاء:قومي يالمفجوعة محد قعد عالسفرة شهرزاد:دعيو مالي خلقج نص ساعة و بيمرون علي بشرب شوربتي و خلو لي قطعة بشميل و صحن راقي ورق عنب سلمان:شوي شوي ليش مستعجله لاكل ما بيطير شهرزاد شوي شوي دعاء:الاكل ما بيطير بس الطيارة باتطير سلمان:ليش وين بتروحي نوره:شهرزاد بتروح مع بنت الجيران سكينه السوق دعاء:اي جيران الله يهديك يمه لبيننا و بينهم شارعين نورة:جيراننا دام علاقتنا بهم تمام شهرزاد:الحمد لله انا بقوم البس
قامت شهرزاد و لبست ثياب بدل الي طبخت بهم و لبست عبايتها
(في السيارة)
حوريه:ماهر الله لا يهينك مر على بيت صاحبه سكينه بتروح معانا ماهر:لا حول ولا قوه الا بالله قلت لكم انا مستعجل سكينه:خلاص ما نبى نتعبك حوريه:اي خلاص ما يحتاج تمر على بيت عبد الله ماهر:وش جاب عبد الله سكينه:اخته اهي الي بتروح معانا ماهر:اي اخت فيهم ؟ حوريه:الصغيرة شهرزاد ماهر:شهرزاد !!! و دور وراح وقف عند بيت عبد الله ماهر:دقي على شهرزاد سكينه:ان شاء الله ........الو هلا.........يلا بسرعة حنا عند باب بيتكم .........يلا لا تاخرينا عارفتك مطوله .......باي ماهر:الله يهداك ليه تعجليها على راحتها حوريه:مو انت الي مستعجل على الشاليه لما انفتح باب بيت شهرزاد تعطر و عدل السبايكي بس صابته صدمه لان الي طلع عبد الله بصحن فيه بشميل عبد الله:هلا ماهر يعني انت الي بتوصلهم السوق ماهر:اي هااا شالاخبار عبد الله:ناشفة يقول مستحيل بفكر بس ما اوعدكم اوافق ماهر:جيب تلفونك ولا يهمك عبد الله:بس رجعه الحين لاني بروح الشاليه بعد شوي ماهر:بعطيك اياه الحين اخذ ماهر رقم شهرزاد و سجله بتلفونه وهو قاعد يسجله و مو منتبه لباب بيت عبد الله طلعت شهرزاد و هو ما يدري ما سمع الى انفتح الباب و دخلت شهرزاد ما درت ان ماهر هو الى موصلهم شهرزاد:السلام عليكم ماهر:وعليكم السلام .....يلا عبد الله خذ تلفونك انا بمشي عبد الله:اوكي ماهر بتروح الشاليه ؟ ماهر:لا ....يلا باي لما درت ان الي بيوصلهم ماهر توترت و بدت تعرق من الحرارة مع ان سيارة ماهر باردة ماهر:ها اي سوق تبون تروحون حوريه:هالمرة نروح على كيف شهرزاد .....ها اي سوق تبين تروحي شهرزاد بتوتر:كيفكم ماهر:شرايكم نروح(............) سكينه:لا بعيد يمكن اهل شهرزاد ما يرضون تروح بعيد ولا شراج شهرزاد شهرزاد:ايه امي ما ترضى خلنا نروح (.......) اقرب سكينه:طيب نروح ماهر:انا بانزل معاكم بس بروح انا وحوريه مع بعض و شهرزاد و سكينه مع بعض حوريه:ما يحتاج تنزل انا بروح معاهم ماهر:خلاص انا بروح بتعشى فوق وانتو تسوقو و اذا خلصتو دقو علي اوكي سكينه: طيب نزلو المجمع و بلشت شغله عبد الله و ماهر دق ماهر على عبد الله عبد الله:شتبي ماهر:شوف انا في بالي شي بسويه بس ابي اطلعك عليه عبد الله: شنو ماهر:انا ابغا اختك توافق غصب طيب و انا لما اخذت جوالك اخذت رقمها و ابي ايميلها عبد الله:يعني بتكلمها ماهر:لا برسل لها و بضيفها وبسولف معاها بالماسنجر وبقنعها فيني عبد الله:اقول عن حركات البزران هذي اذا تبيك بتوافق و امسح رقمها من عندك و اذا مسحته كلمني و صك بوجهه الخط فكر ماهر في نفسه :انا نيتي الزواج بالحلال وانا اذا رفضتني ما رح اخذ غيرها ببلش في الرسايل بعدين بالايميل رسل لها رساله(شهرزاد هاي شخبارك بليز لا تفهميني غلط انا خطبتك بالحلال و ما ودي الا يجمعنا سقف واحد بالحلال بليز افهميني ) ما ردت عليه الرسالة الثانية (شهرزاد انا ماهر الي وصلتكم بليز حسي فيني و في العذاب الي احس فيه انا خطبت وحده قبلك و رفضتني عشان في ناس خربو بيننا و اتصلت عليها بنت و قالت انها زوجتي بالسر و اني احبها و لان اهله غاصبيني عالزواج فتقدمت لها و انا قلت لها اتصلي عليها و قولي لها ترفضني لاني متزوج واحب زوجتي و باقرب فرصه باعلن زواجي و رفضتني علشان هالسالفة و ما فكرت اني اخطب الا بعد ما شفتك و تحركت مشاعري اتجاهك ) الرسالة الثالثة (شهرزاد الله يخليك فكري في الموضوع و انسي اني صاحب اخوج المفروض عشاني صاحب اخوك يكون سبب لموافقتج مو رفضج الله يخليك وافقي ) دقت عليه حوريه ماهر:هلا خلصتو ؟ حوريه:ايه يلا انزل ماهر:ركبو انتو و طلبو لكم اي شي على حسابي عندي شغله الحين اخلصها يلا ركبو حوريه: حنا مو فاضيين ماهر:كيفكم انا ما بقوم الى اذا خلصت الي بيدي حوريه:ماشي الحين انا و البنات بنركب ركبو و جلسو على طاوله و جا ماهر لهم ماهر:ها شتبون عشاء ولا شي تشربونه ولا تحلون فيه ؟ حوريه:ها شهرزاد شتبين شهرزاد:انا عن نفسي ما ابي شي توني متعشيه سكينه:لا تستحي قولي تبي حلى و كبتشينو ؟ شهرزاد:لا جد شكرا ما بي شي سكينه:ماهر انا ابي جيز كيك و كبتشينو حوريه:انا ابي ملك شيك و كيكه شكولاته ماهر:و شهرزاد اش تبي شهرزاد:شكرا ما بي شي ماهر :اوكي راح ماهر و اخذ لسكينه و حوريه الي يبون و اخذ لشهرزاد مثله كيكه شكولاته و ملك شيك لما خلص الطلب راح للبنات ماهر:هذا حق حوريه و هذا حق سكينه ...... وهذا حق شهرزاد ......طلبت لك مثلي .......ان شاءلله يعجبك ذوقي شهرزاد:مشكور فتحت شهرزاد شنطتها و قامت تدور سكينه:شتدورين شهرزاد:اخ ماهر بكم الي طلبته لي ماهر:افا بس تزعليني منك انا عازمكم على حسابي شهرزاد:ما له داعي كم حسابك ماهر:مرة ثانيه ان شاء الله شهرزاد:شكرا و ردت تدور في شنطنها حوريه:قال لك على حسابه شتدورين شهرزاد:ابي اكلم امي و اطمنها علي بس ماني شايفه تلفوني شكلي نسيته بالبيت تحبط ماهر صار له ساعه يرسل رسايل و هي ناسيه تلفونها بالبيت راح جلس على الطاوله الي كان قاعد فيها ما لحق حط الملعقه في حلقه جو له الامن الامن:يا اخ جاي مع منو ماهر:مع هلي الامن:وين اهلك تاركهم يمشو بروحهم وجالس ماهر:هذيل اهلي(و اشر على طاوله البنات) الامن:طيب روح اجلس معهم ماهر:معهم بنت غريبه الامن:اقول انزل معنا للمكتب ماهر:اشله المكتب الحين اروح اقعد معهم الامن:يلا قدامي ماهرراح لحوريه ماهر:حوريه ممكن اقعد معكم حوريه:ليش ماهر:الامن يبون ياخذوني المكتب سكينه :معليش جيب كرسيك و اكلك و اجلس
حط ماهر الكرسي بوجه شهرزاد و جلس شهرزاد نزلت راسها لانها ماتتنقب واهو مع سكينة وحورية ياكلون واهي ماكلت شئ ماهر: شهرزاد ليش ماتاكلين ؟ خجلانة؟؟ حورية : ماهر تعال اجلس مكاني شهرزاد مب عارفة تكال وانت جالس بوجهها ماهر : طيب راح وجلس مكان حورية اخذ اكله بس مااكل منه سكينة : ماهر مو كأنك خلصت الشغلة اللي بيدك؟ ماهر : لا ماتشوفيني ماكملت كيكتي وشهرزاد ماكلت شي اذا اكلت كيكتها بعدين نقوم شهرزاد عصبت من كلام ماهر ورحركاته وقفت واخذت شنطتها معاها حورية : وين رايحه؟ شهرزاد:بروح البيت بتاكسي ما عندي جوال و امي قلبها جمر لان هالحين تاخر الوقت حوريه:ليش التاكسي و ماهر موجود شهرزاد:معليش شكلي ثقلت عليه كثير ........مشكور عال حلى و مشت بدون اي شعور و نزلت من عينها دموع عال موقف الي سعود حطها فيه نزلت من الدرج و هي تبكي و تفكر كيف بتلاقي لها تاكسي و اهي بنت بروحها و الساعه عشر و نص حست بحركه في الدرج كان يهتز كأن فيل يمشي عليه نزلت من الدرج كانت في الدور الثاني حست باحد جرها من كتفها و سحبها
منو ده ياترى يجوز يكون اخوها عبد الله ؟؟ ولا ماهر او منو راح تعرفونه بالجزء الجاي؟
عدد الرسائل : 110 العمر : 31 الاوسمه : mms : تاريخ التسجيل : 11/05/2008
موضوع: رد: رواية "مهما حصل ما نفترق " الأربعاء يونيو 11, 2008 11:10 am
.°.¤.°. .°.¤.°. .°.¤.°..°.¤.°..°.¤.°..°.¤.°.
نزلت شهرزاد من الدرج و هي تبكي و تفكر كيف بتلاقي لها تاكسي و اهي بنت بروحها و الساعه عشر و نص حست بحركه في الدرج كان يهتز كأن فيل يمشي عليه نزلت من الدرج كانت في الدور الثاني حست باحد جرها من كتفها و سحبها شهرزاد من كثر ماتخرعت ضربته على راسه بشنطتها لما شافت انه ماهر شهقت كان ماهر يلاحقها يبي يستسمح منها و ما لقى له فرصه يناديها و المجمع مليان ماهر:انا آسف تعالي بوصلك بسيارتي شهرزاد:ارجوك نزل يدك يمالها الكسر و بعد عن طريقي لا لميت عليك الناس و الامن نزل يده ماهر:شهرزاد انا ما يطاوعني قلبي اخليك تركبي مع اي شخص و انا موجود شهرزاد:وانت منو عشان تقول هالكلام ........ ماهر:طيب خليني اوصلك و يصير خير شهرزاد:اقول روح لاختك و سكينه احسن لك ماهر:انا بدق على السواق يجيهم بس انت تعالي مسك ماهر شنطتها الي طاحت على الارض ومشى شهرزاد:ماهر جيب شنطتي احسن لك ماهر:اذا و صلتك اعطيك اياها ايش قلتي ........ولا اخليها ذكرى عندي بغرفتي ؟ شهرزاد:طيب.......وصلني كمل طريقه و طلع من المجمع وهي وراه دار لها و قال :يبنت الناس امشي معاي لا تضيعي المجمع زحمه شهرزاد بصوت واطي :نشوف النهايه معاك وصلو للمواقف و فتح السياره و ركب ماهر:شنو تنتظري ركبي فتحت شهرزاد الباب الخلفي الي ورى مرافق السواق و سكرت الباب ماهر:لا و الله راكبه مع سواقك ولا معاي شهرزاد:يلعن ابوها هالشنطه فتحت الباب و نزلت من السيارة وصكت بالباب بقوه نزل ماهر من السيارة ماهر:شوي شوي هاذي مديل الفين و سبعه شوي شوي عليها شهرزاد:........... راح ماهر و وقف في وجهها شهرزاد:بعد عن طريقي احسن لك ماهر:شهرزاد عشان عبد الله ركبي سامحيني على الشي الي سويته لاني ما بقدر انام وانتي زعلانه مني شهرزاد:شكلك ماخذ مقلب على نفسك انت منو عشان ازعل منك ولا ارضى عليك حالك حال اي واحد واقف بطريقي اتمنى متى اخلص من وجهه ماهر:الله يسامحك ما توقعت يطلع منك كلام قاسي كذا حست في غلطتها و نزلت راسها ماهر:يلا ركبي و يصير خير شهرزاد:من شاف وجهك شاف الخير ماهر:الله يسامحك عشاني حابك و شاريك توجهي لي الاهانات انا احسن بنت تتمنى اتقدم لها بس انا خترتك لاني اعرف خوانك و تربيه خوانك احسن لي من بنت ما اعرفها انا مو الجمال الي يشدني للبنت عساها جيكره المهم تفهمني ....................مو حلوه وقفتنا كذا قدام الناس يلا عاد ركبي اوصلك و اوعدك قبل ما توافقي ما تشوفي وجهي شهرزاد استسلمت وركبت السيارة و لما مشو و بعد سكوت طويل ماهر:شهرزاد اذا لهدرجه كارهتني ردي بسرعه عشان اشوف نفسي ما احب اكون متعلق مدري ليش عندي امل توافقين اذا رجعتي بيتكم انا مو من طبعي اركض على وحده ما تبيني انا بعد عندي كرامه بس تاكدي انك اذا رفضتيني مارح اعتبرك الا اخت مثل سكينه شهرزاد:ماهر تعديت بيتنا ماهر:اول مره احس ان اسمي حلو كذا رجع لما فتحت الباب تبى تنزل ماهر:قولي الى عبد الله اني مسحت الرقم ماله داعي يزعل طبعا شهرزاد ما فهمت لكلامه بس قالته الى عبد الله عبد الله:اي رقم ؟ شهرزاد:مدري عبد الله:اي اي عرفت مشكورة دخلت غرفتها و شلحت عبايتها و لتفتت الى الجوال في الشاحن راحت فتحته و شافت ان في ثلاث رسايل
قالت منهو الفاضي الي يرسل فتحت الرسايل و قرتهم لما قرت رساله الثانيه بعدين راحت لاخوها شهرزاد:بسالك سؤال عبد الله:يا كثر اسالتكم الا اذا جينا اننام تفضلي شهرزاد:صحيح ان ماهر كان متقدم لوحدة و رفضته عشان اتصلت فيها وحده قالت لها ان هي زوجته بالسر و اهل ماهر غصبوه على الخطبه وهو يحب زوجته و بيعلن زواجه عن قريب عبد الله:شدراج عن كل هالكلام منو قال لك هالموضوع ما يدرون عنه الا القريبين منه حتى اهله ما يدرون انها رفضته عشان كذا شهرزاد و بعد تردد كبير:ماهر هو بنفسه قال لي عبد الله:كيف قال لك يعني اخته تدري شهرزاد:مدري يدرون ولا لا عبد الله:كيف قال لك و خواته معاك شهرزاد:بصراحه رسلي ثلاث رسايل و فيهم مكتوبه السالفه بس انا كنت ناسيه تلفوني بالبيت و لما جيت شفتهم عبد الله:وش دراك انهم منه شهرزاد:كاتب انا ماهر ........شوف هذول هم الرسايل عبد الله:لحضه انا اشوف شالسالفه اتصل عبد الله فيه شهرزاد:تكلم من ؟ عبد الله:ماهر بحط السبيكر عشان تسمعين شيقول ماهر:هلا عبد الله عبد الله:يا كذاب تقول مسحت الرقم ماهر:احلفلك بشنو عشان تصدقني عبد الله:مسحته و انت راسل لها رسايل ماهر:رسلتهم قبل لا امسح الرقم عبد الله لا تعصب انا قلبي يعورني و ماني قادر انام و انت تسوي نفسك معصب المشكله انك ما جربت الحب نوار يفهم علي اكثر حرام عليك انا اتعذب و الله اتعذب بس خلاص انا اذا ما وافقت اختك خلاص ما رح اتزوج في حياتي بعد هذيك السالفه انا قلت ماني متزوج بس شسوي اخلاق اختك خلتني ابطل عبد الله:صح صح ليه علمتها عن سالفه هذيك السخيفه ماهر:مدري حسيت اني لازم اقول لها ادعيلي في كل صلاة انها توافق عبد الله:انا حاط على السبيكر و هي تسمعك ماهر:هااا طيب باي وسكر في وجه عبد الله لانه كان يبي يسوي روحه ثقل طبعا لما تفشل عبد الله لان ماهر صك بوجهه ضحكت شهرزاد منه عبد الله:على ايش تضحكي ؟ شهرزاد:اضحك على وجهك يوم صك ابوجهك شكلك يموت من الضحك عبد الله:هاهاهاي يعني انا الي اضحك لو انت لما جيتي و انت مخترعه و خايفه من رسايل ماهرو شهرزاد:عبد الله عفيه لا تعلم امي و ابوي و اخواني و دعاء عن الي صار كل الي يخطبو وحدة يكلموها قبل الملكه عبد الله:يعني ترقعي له .....قبل الملكه مو قبل الرد شهرزاد:لا و الله ؟لا ارقّع له ولا شي نوار كلم ناهد قبل حتى ما يتقدم له عبدالله:بصراحه شهرزاد انا (و بدى يصب منه العرق) شهرزاد:هوهوهو شفيك نزلت عليك الشمس و الحر عبد الله:انا بصراحه احب وحدة تجي المكتب عندها ابوها ما عنده الا اهي و قاعد يصمم بيتهم على ذوقها شهرزاد:و انت طبعا كل ما تجي تتابع قلبك يدق يدق يدق ......صح عبد الله:اهي حلوه و طيبه بس فيها عيب شرعي شهرزاد:شنو ؟عيب شرعي ! عبد الله:اي عيبها مرجوجه و تعتبر روحها بنت تسع سنين و عمرها 17 شهرزاد:يعني اكبر من غرام عبد الله:واحلى منها بعد شهرزاد:الا شسمها ؟ عبد الله:نوف شهرزاد:عشان جذي رقمك عند اصحابك ابو نوف عبد الله:شدراك اكيد مسكتي جوال ماهر شهرزاد:لا شقاعد تقول بس انت يوم جبت جهاز نصر اصلحه مكتوب على رقمك عبيد ابو نوف عبد الله:اي صح جهازي صاير يعلق كثير شهرزاد:المدمر دايما لما يقدم يعلق ولا يهمك عيد ميلادك يجيب لك احسن جهاز بالسوق عبد الله:شنو الجهاز شهرزاد:مثل جهاز جينو عبد الله:لا و الله احسن جهاز في السوق جهاز جينو شهرزاد:شفيك امزح معاك ........................ييه الساعه ثنتين انا ما نمت بكرى وراي مدرسه عبد الله:يلا يالطالبه المجده تصبحي على خير
الحمد لله ما تاخرت شوشو عالمدرسه قعدت قبل ما تبدا الحصه بربع ساعه
لبست و تمشطت و لبست عبايتها و فطرت و راحت المدرسه بعد فترة ثلاثة اسابيع جلست شهرزاد من النوم و كان يوم امتحانات لبست و خلصت و راحت المدرسه كانت جالية بساحة المدرسه جالسة تذاكر كيمياء و هي لابسه جاكيت لونه وردي و هي جالية لا وراها ولا جدامها شي جت لها بنت البنت:صباح الخير شهرزاد:صباح النور هلا منو انتي مو فاضيه البنت:انت رفعي راسك من الكتاب و بتعرفين منو انا رفعت شهرزاد راسها شهرزاد:ما عرفتك انت منو البنت:انا وحده فاعله خير نصيحه مني لك اهتمي و حافضي على فسك احسن شهرزاد:انا محافضه على نفسي قبل لا اشوف خشتك البنت: انت الله خير لا قبل ولا حتى بعد شهرزاد بدت تتضايقف من كلامها شهرزاد:يا بنت الناس اذا ما ذلفتي عن وجهي بتشوفي شي يضايق امك البنت: ما عاش ولا كان الي يقول لنوف هالكلام شهرزاد:نوف كني سامعه بوحده مربوشه و عقلها الله و السلام اسمها نوف يتيمه و تسوي بيتهم في مكتب اخوي حق الديكور نوف:عليك لمبه محترقه هذي انا بشحمها و لحمها شهرزاد:اخوي ما يقول عنك كل خير نوف:مربوشه و عقلي و السلام و خير جت حياه حياة: انت ابوك غلطان لما جابك مدرسه بنات نوف:هذي الي ناويه تصير بنص مريول شهرزاد:كان في امك خير مسكي شعره منها نوف:لا في امي خير و بتشوفي بعينك مسكت نوف حياة من كمها و سحبته بقوه فتمزح الخياط شهرزاد بعال صوتها:نوف كان انت قويه واجهيني انا الي مهاوشتك مو اهي نوف:طيب انا اوريك سحبت نوف شعر شهرزاد الطويل و سحبت ربطة شعرها و تناثرت خصلات شعرها على وجهها و بهدوء اعصاب رجعت شهرزاد خصلات شهرها الذهبي على ورى و مسكت يد نوف و لفتها على ظهرها نوف: هديني يا واطيه شهرزاد:بوريك الواطيه منهي شدت شهرزاد على يدها و ونزلتها على الارض و نزلت لها و قالت لها:الواطيه انت واشكالك انا بهدك لاني مو ناويه اوريك كل الي عندي و مرة ثانيه عرفي تهاوشي منو فاهمه مـــــامــــــا اخذت ربطتها من عالارض و مشت كانت متضايقه كثير لان اخوها مخدوع في وحدة ما تستاهل حد يطلع فيها راحت و ربطتها في يدها جت لها حياة حياة:شهرزاد ما عليك منها و الحق معك لان اهي الي غلطت عليك وانا و سكينه و كل البنات يشهدو شهرزاد:ما تهمني وحده قليله ادب مثلها كانت تتكلم شهرزاد و هي تطلع في ربطتها الي في يدها رفعت ظهرها عن الجدار الي جالسه عليه و ربطت شعرها و راحت الحمام غسلت وجهها و الصدفه ان نوف كانت قاعدة في الحمام هي و شله بنات اشكالهم مو اوكي وحده منهم:نوف ما عليك منها يجي لها يوم و تعرف منهي انت نوف:الي ذابحني ان شكلها ما يبين عليها قويه كذا وحده ثانيه:بس الحقيره حلوة و قويه و حضرتها شاطرة بعد و الكل يتمنى تصير صاحبتها نوف:هذي وحده سافله و حقيرة و خسيسه دارت شهرزاد و هم ما كانو يدرون ان شهرزاد في الحمام شهرزاد:منهي السافله و الحقيرة و الخسيسه هذي الصفات في وحدة خربانه و ما شمت ريحه التربيه مثلك نوف:مدري منهي الي ما شمت ريحه التربيه اقول بدل ما تهاوشين بنات الحمايل روحي كلمي واحد من اصحابك يقيدك ببطاقه شحن ...........احسن مو احسن شهرزاد:نعم نعم ؟انا بنت سلمان ال.........اكلم شباب ليش ما عندي بيت يضفني و ام و ابو يربوني اقول ثناء ترى انا عارفه حركاتك زين و ادري ليه ساكته انت تبغين تشتتي فكري و انسى سالفتك مع جواد ولد ام ناصر ولد جيراننا لو عندك كرامه ما قطيي روحك عليه و انا مو حابه افضحك احمدي ربك اني ساترة عليك صحيح انك لايمه بدل ما تبوسي يدك وجه و قفى ان الي كشفتك ساترة عليك تالفي علي كلام استغربت ثناء ان شهرزاد تدري عن سالفتها مع جواد كان الكل ساكت و متفاجا من كلام شهرزاد كانت عبير داخله الحمام (عبير اخت ماهر الوسط) عبير:شهرزاد !هلا و الله بمرت اخوي شهرزاد:هلا فيك كيفك عبير عبير:الحمد لله انت شخبارك شهرزاد:الحمد لله عبير:سمعت انت متهاوشه مع هذيك الي اسمها نوف شهرزاد بنظرة خبث الى نوف و ثناء و الثالثه الي معهم :لا و الله هم الي غلطو علي اقول امشي نطلع برى نسولف ما احب اشوف و جوه زي القرف طلعت شعرزاد و عبير من الحمام نوف :من صدقها هذي تقول لشهرزادو مرت اخوي ثناء:يمكن نوف:لا مو يمكن عبد الله قال ان دعاء هي الي بتملك الليله مو شهرزاد ثناء:و منو عبد الله نوف:اخوها واحد حلو و لا بعد معجب فيني ثناء:عندك رقمه نوف:عند ابوي رقمه الثالثه:خذيه و كلميه و خربيه على اخته نوف:لا يا حبيبتي هذا اول حب في قلبه حبه لشهرزاد يفداها بروحه و حياته دايما يتكلم عنها و عن جمالها و اخلاقها تخيلي مسجل اسمها في جواله حب عمري ثناء:يمكن بطلبها نوف:لا هي ما تحب النكنيمات حتى بالماسنجر كاتبه شهرزاد كان الحوار بينهم كله كره و بغض عكس حوار عبير و شهرزاد كان حوارهم كله حب و اخلاق و ادب عبير:شهرزاد مو كانك طولتي بالرد خلاص عاد ماهر اخونا الوحيد و نبى نفرح فيه تلعثمت شهرزاد لانها كانت تبغى ترفض :عبير انا ما فكرت لان عندي دراسه بس ان شاء الله برد بعد الامتحانات عبير:يعني انجهز فساتيننا شهرزاد بحياء:ان شاء الله (صفرت صافرة المدرسة عشان الكل يروح لقاعات الامتحان عبير:يلا شهرزاد انا بروح لقاعتي الاقيك بعد الامتحان شهرزاد:اوكي نتلاقى راحت شهرزاد الامتحان و حلت الي تقدر عليه و الباقي على ربنا بعد طلعت شهرزاد من القاعه كانت سكينه واقفه مع عبير سكينه:هي شهرزاد تعالي جت شهرزاد الى سكينه شهرزاد:ها شعندك سكينه:شوف الصدف زوج عبير اخو خطيب اختك دعاء شهرزاد:ها متاكدة عبير:خطيب اختك اسمه منير و انا زوجي اخوه الكبير سراج شهرزاد:بسالك سؤال بس مستحيه عبير:تفضلي شهرزاد:كم عمرك ؟ عبير:ههههه عمري واحد و عشرين اكبر منك بخمس سنين انفصلت عن الدراسه بعد زواجي و الحين رجعت شهرزاد:يعني انت و حوريه و حصه تعرفون خطيب دعاء عبير:اي اكيد (ما كانت تدري عبير ماخذه اخو منير و اخو ماهر في نفس الوقت ..... منير اخو ماهر من الام لان زوج ام ماهر الاول متزوج وحدة و ماتت هي ام سراج و بعد شلل ابو منير تزوجت صديقه الي كان ابو منير موصيه عليها )
رجعت شهرزاد البيت و راحت لاخوها عبد الله شهرزاد:عبد الله قلت لي اسمها نوف عبد الله:اي نوف ليش تسالين شهرزاد:نوف هذي هاوشتني بالمدرسه و جرت شعري و قالت عني سافله و حقيرة و واطيه و تدري منو صاحبتها عبد الله:لحضه لحضه............شقاعدة تخربطين شهرزاد:نوف جت لي اليوم وهي غصب طيب تبي تهاوش و تطاولت على صاحباتي و جرت شعري و سحبت ربطته و هزاتني و شرشحتني و قالت اني انا اكلم شباب و اطلع معاهم بعد عبد الله:طيب منهو صاحبتها شهرزاد:ثناء الي تبغى تتعرف على جواد صاحب اخوك نوار عبد الله:ما اصدق انت شدراك انها هي شهرزاد:هي الي قالت لي رن جوال عبد الله عبد الله :الو .........هلا ماهر ........راي اختي و الله ما ادري ؟؟؟اتصل فيك بعد شوي و اقول لك ....باي
عبد الله:ها شهرزاد شرايك شهرزاد:و الله ما ادري عبد الله:قولي موافقه لو لا اخونا في الله بيجن اذا صبر ثواني
.°.¤.°. هل شهرزاد راح توافق او راح ترفضه راح تعرفون بالجزء الجاي.°.¤.°.
موضوع: رواية "مهما حصل ما نفترق " 
الإثنين يونيو 09, 2008 4:05 pm
.°.¤.°..°.¤.°..gif)
